Hunthar Veng SAY ten Pathian chawimawi dawn

UPC lam hian an uar viau a, Kohhran Pawl dang Pathian chawimawi a hunhmang hi an tamlo hle awm e. Thenkhat chuan atul lemlo e, ti pawh kan awm maithei e. Mahse, Lalpa tan, a ropui nan leh thlarau malsawmna beisei chunga tih anih chuan a ropui hle a ni ka ti.

March Ni 26(Inrinni) hian Hunthar Veng Salvation Biak In Aizawl-ah he hun hi an hmang dawn a. Hunthar Veng SAY Cops Aizawl hruaitute chuan tawngtaiin nasa takin Pathian an au a, Tunah hian zan lamah pawh mutmu tuah tha hman meuhlo in Pathian an kar a, he hun an hman turah hian Pathian hnathawh nasa tak an beisei a ni.

Tun hun thlenga an dinhmun en hian An member-te an tui tlang em em a, thahnem anngai bawk a, Committee pawh an tin hleitheilo hial thin! An dil leh beisei hi tunah pawh an hmu reng tawh niin a lang.

Pathian hian amah mamawh a tih tak takna nen a autu hi a hnungchhawn theilo. Tunlai Khawvel thiamna leh hmasawnna nasa tak karah Thalai Lalpa avanga a ngam hi kan mamawh ber chu an ni ta. Bible chuan, “Kros thu chu boral mekte tan chuan atna a ni” alo ti a, he hun an hmang tur pawh hi atthlak ti tak tak chu kan ther leh fur ngei ang le. Hunthar veng SAY te Lalpa’n malsawm che u rawh se.

SAY te hian a tirah Rs.500 chuah neiin Pathian rinchhanin bul an tan a, tunah hian mi thahnemngaite atanga an thawhkhawm nen Rs.20000 lai an nei tawh a ni. Amah rinchhan a thiltitu hnenah rinchhan tlak anih zia a lantir thin.

Kumin chhunga tih hlawhtlin ngei ngei tur Project Rs.15000 sen ralna tur an nei chung leh member active 25 vel chauh nei chungin Pathian chawimawina hun hman hmasak phawt hi an thlang ta a ni. Mi tam tak chuan hna kan ngah avangte in Pathian Biakna hun kan nei theilo a, Sum hmanna tur kan ngah avangin Pathianram kan pe theilo a. Entawn tlak hi i entawn ang u.

“Kraws thu chu boral mekte tan chuan atna a ni si a;

keini chhandam mekte tan erawh chuan Pathian thiltihtheihna a ni zawk e.

Mi fing finna chu ka tiboral ang a,

Remhre remhriatna chu ka paih thla ang”

tih ziak a ni si a.”

(I Korinth 1:18 & 19)

Source- Misual.com